அன்பான அன்பே

அன்பான அன்பே என் அழகான தமிழே
ஆனந்த அதிரூபமே
பொன்னே என் மணியே
போனாயே தனியே
நீ எந்தன் நெஞ்சில் நின்றாயடி

நெஞ்சே என் நெஞ்சே
நீ வைத்த பாசம் உள்ளாறும்
என்றே நினைத்தேனடி
ஆறாத வடுவாய் நின்றாயடி

உனக்காக நானும்
எனக்காக நீயும்
என்றென்றும் இங்கே
இருப்போமடி

சொல்லாத சொல்லும்
உணராத உணர்வும்
நம் நெஞ்சிலன்பாய்
உயிர்த்தோமடி

உணர்வுக்குள் உணராத
உயிராகி நின்று
இரு உள்ளங்கள் ஒன்றாய்
கலந்தோமடி

செய்யாத செயலை
செய்கின்ற போதும்
உயிரற்று நாமும்
நின்றோமடி

மறந்துன்னை
உன்னை நினைத்து
மறக்காத நாட்கள்
என்றென்றும் இங்கே
இல்லையடி


அன்பான அன்பே என் அழகான
ஆனந்த அதிரூபமே
பொன்னே என் மணியே
போனாயே தனியே
நீ எந்தன் நெஞ்சில் நின்றாயடி


நிலையற்ற வாழ்வில்
சிலைபோல நின்றேன்
உடையற்று உன்னை
காண்போதிலே

அழகுற்ற உன்னை
என் நெஞ்சில் தைத்தேன்
அந்நினைவோடு வாழ்வேன்
எந்நாளுமே

பொருளற்ற என்னை
அகத்திற்குள் வைத்து
உன்னுற்ற  என்னை
நான் பார்க்கிறேன்

நானற்ற உன்னை
நீயற்ற என்னை
ஒருநாளும் என்னில்
நினையேனடி


அன்பான அன்பே என் அழகான
ஆனந்த அதிரூபமே
பொன்னே என் மணியே
போனாயே தனியே
நீ எந்தன் நெஞ்சில் நின்றாயடி