அஇஅதிமுக-வின் எதிர்காலம்?

அஇஅதிமுக-வின் எதிர்காலம்? அரசியல் வேண்டாம் என்றே நினைத்தேன் ஆனால் இவர்கள் செய்யும் அலம்பல் தாங்கவில்லை.  இன்று அக்கட்சியின் பொதுக்குழு கூடவிருக்கிறது.  அதில் சில முக்கிய முடிவுகள் எடுக்கப்படலாம் ஆனால் அது எந்த அளவிற்கு அக்கட்சியின் வறட்சிக்கு உதவும் என்று தெரியவில்லை.

சசிகலாபுஷ்பா-வின் கணவர் லிங்கேஸ்வரனை தாக்கிய அக்கட்சியின் தொண்டர் அடிப்பொடிகள் குற்றத்தை லிங்கேஸ்வரன் மீதே சுமத்துகின்றனர்.  காவல் துறையும் லிங்கேஸ்வரன் மற்றும் அவரின் வழக்கறிஞர் மீதே வழக்கு பதிவு செய்யும் செயலை பார்த்து தமிழகமே சாந்தி சிரிக்கிறது.

நமது முன்னாள் தமிழக அரசு செயலர் ராமமோகன் ராவ் அவர்களின் எதிர்ப்பை கண்டும் வியந்தேன்.  அவருக்கு யார் அந்த தைர்யம் கொடுத்தார்கள் என்பதை உணர முடிகிறது.  தமிழக மக்களின் சில முட்டாள் தனமான முடிவுகளால் நாம் இதையெல்லாம் சகித்துக்கொள்ளவேண்டிய கட்டாயத்தில் இருக்கிறோம். 

எனக்கு தெரிந்த அளவில் இன்னும் சில மாதங்களில் ஆட்சி மாற்றம் வரும் என்றே தோன்றுகிறது.  திமுக தனது பலத்தை காட்ட வேண்டிய நேரமிது.  ஆனால் நேர்மையான வழியை அவர்கள் கடைபிடிக்க வேண்டும் என்பதே என் ஆவல்.

அதேபோல் தமிழக மக்கள் ஒரு மாற்றத்தை ஏற்படுத்தவேண்டிய நேரம் வந்துவிட்டதாகவே நான் கருதுகிறேன்.  அடுத்து திமுக மிகப்பெரிய பலம் பொருந்திய கட்சியாக இருந்தாலும் ஒரு மாற்று எதிர்க்கட்சி வரவேண்டும்.  புதியத்தலைவர்கள் சிறந்த புதிய எண்ணங்களோடு தமிழகத்தை காக்க வரவேண்டும்.

வருவார்களா?

அன்னான் விஜயகாந்த் மற்றும் நாம் தமிழர் சீமான் அடுத்த இடங்களில் இருந்தாலும், திரு விஜயகாந்த் அவர்கள் தற்போது உடல்நலம் குன்றி இருப்பதால் சீமான் அவர்கள் இந்த வாய்ப்பை பயன்படுத்திக்கொள்ளவேண்டும்.

செய்வாரா?

பார்ப்போம்!!!